ՇվեյցարականՄրցաշար ChessAcademy.am
Աննա Սարգսյանը գլխավորում է մրցաշարային աղյուսակը II տուրից հետո
2019-01-10
Հայաստանի շախմատի ակադեմիայում շարունակվում է Անդրանիկ Մարգարյանի հուշամրցաշարը, որին մասնակցում են 10 շախմատիստ, այդ թվում՝ 3 գրոսմայստեր, 2 միջազգային վարպետ, 2 ՖԻԴԵ-ի վարպետ և 1 կանանց ՖԻԴԵ-ի վարպետ: Շրջանային մրցաշարի մասնակիցների թվում է նաև Վրաստանի հնգակի չեմպիոն Զուրաբ Ստուրուան: Խաղացված 2 տուրից հետո աղյուսակը միանձնյա գլխավորում է Հայաստանի կանանց հավաքականի անդամ Աննա Սարգսյանը, ով 2 տուրերում տոնել է 2 հաղթանակ: Առաջատարից կեսական միավորով հետ են մնում 4 շախմատիստ՝ գրոսմայստերներ Լևոն Բաբուջյանը, Արման Միքայելյանը, միջազգային վարպետ Կլեմենտիյ Սիչովը և ՖԻԴԵ-ի վարպետ Արթուր Դավթյանը:
Այսօր տեղի կունենա մրցաշարի 3-րդ տուրը:
